Qanunsuz kazino təşkil edən NBA ulduzu saxlanılıb

Milli Basketbol Assosiasiyası (NBA) klublarının keçmiş müdafiəçisi Cilbert Arinas qanunsuz qumar biznesinin təşkilində şübhəli bilinərək saxlanılıb.

"Report" xəbər verir ki, bu barədə Kaliforniya ştatının mərkəzi dairəsinin prokurorluğunun mətbuat xidməti məlumat yayıb.

Arinas 2021-ci ilin sentyabrından 2022-ci ilin iyuluna qədər öz malikanəsini yüksək mərcli qanunsuz poker oyunlarının keçirilməsi üçün icarəyə verib. Basketbolçu ilə birlikdə bir neçə İsrail vətəndaşı da saxlanılıb.

Arinasın 43 yaşı var. O, NBA-da "Qolden Steyt", "Vaşinqton", "Orlando" və "Memfis" komandalarında çıxış edib.

2005, 2006 və 2007-ci illərdə NBA "All-Star" oyunlarında iştirak edib.