Norveçli idmançı İtaliyada olimpiya rekordunu yeniləyib

Norveçli konkisürən Sander Eitrem İtaliyada keçirilən XXV Qış Olimpiya Oyunlarında rekorda imza atıb.

"Report" yarışın mətbuat xidmətinə istinadən xəbər verir ki, idmançı 5000 metr məsafəni 6:03.95 saniyəyə qət edərək qızıl medal qazanıb.

O, çexiyalı rəqibi Metodey Jileki (6:06.48) geridə qoymağı bacarıb.

Hər iki idmançı isveçli Nils van der Pula məxsus olan əvvəlki olimpiya rekordunu (6:08.84) yeniləyib. Yeni olimpiya rekordunun sahibi isə məhz norveçli Sander Eitrem olub.

Qeyd edək ki, bu məsafə üzrə dünya rekordu (5:58.52) da norveçli idmançıya məxsusdur.