Naxçıvanda 100 illik yubileyə həsr olunmuş boks birinciliyi keçirilir

Naxçıvan Muxtar Respublikasının 100 illik yubileyinə həsr olunmuş böyüklər və gənclər arasında boks birinciliyinə start verilib.

"Report"un Naxçıvan bürosu xəbər verir ki, yarış İlham Əliyev adına Olimpiya İdman Kompleksində keçirilir.

Naxçıvan Muxtar Respublikası Gənclər və İdman Nazirliyinin Naxçıvan Boks Federasiyası ilə birgə təşkil etdiyi yarışa şəhər və rayonlardan ümumilikdə 70-ə yaxın idmançı qatılıb. İştirakçılar olimpiya sistemi üzrə 12 çəki dərəcəsində mübarizə aparırlar.

Növbəti gün yarışın final görüşləri keçiriləcək. İlk üç yerin sahiblərinə nazirliyin diplom, medal və hədiyyələri təqdim olunacaq.