"Liverpul" klubu iki aparıcı futbolçusu ilə müqavilənin müddətini uzada bilər

İngiltərənin "Liverpul" klubu iki aparıcı futbolçusu ilə müqavilənin müddətini uzada bilər.

"Report" xəbər verir ki, bu barədə "The Athletic"in nüfuzlu insayderi David Ornşteyn məlumat yayıb.

Mersisayd təmsilçisi Trent Aleksander-Arnold İspaniyanın "Real" komandasına keçmək qərarına gəldikdən sonra Məhəmməd Salah və Vircil Van Deyki heyətdə saxlamaq istəyir.

Klub rəhbərliyi hər iki oyunçunun yeni sözləşməyə razı olacağına inanır.

Qeyd edək ki, Van Deyk cari mövsüm "Liverpul"un heyətində 41 oyun keçirib. Salah isə 43 matçda 32 qol vurub və 22 məhsuldar ötürmə ilə yadda qalıb.