Beynəlxalq Olimpiya Komitəsində müxtəlif vəzifələrə seçkilər keçirilib

Bakı. 7 fevral. REPORT.AZ/ Dünya Güləş Birliyinin (UWW) prezidenti Nenad Laloviç Beynəlxalq Olimpiya Komitəsinin (İOC) İcraiyyə Komitəsinə üzv seçilib. 

"Report"un məlumatına görə, seçki İOC-un Cənubi Koreyanın Pxençxan şəhərindəki 132-ci Sessiyası çərçivəsində gerçəkləşib. Serbiyalı funksioner İcraiyyə Komitəsində qarşıdakı 4 il müddətində üzv olacaq. O, Yay Olimpiya Növləri İdman Federasiyaları Assosiasiyasının nümayəndəsi olacaq. 

Sessiya çərçivəsində İOC-un vitse-prezidenti vəzifəsinə seçki də olub. Bu vəzifəni çinli Yuy Tszaytsin tutub. 

Bundan başqa çexiyalı Yirji Keyval İOC-un yeni üzvü seçilib.