Azərbaycanın bir güləşçisi Avropa çempionu olub, üçü bürünc medal qazanıb

Azərbaycanın sərbəst güləşçisi Zəfər Əliyev İspaniyanın Santyaqo de Kompostela şəhərində keçirilən U-20 Avropa çempionatında bürünc medal görüşünə çıxıb.

"Report"un məlumatına görə, 97 kq-da mübarizə aparan idmançı 3-cü yer uğrunda görüşdə slovakiyalı Adam Jaksiklə qarşılaşıb.

Rəqibinə 12:5 hesabı ilə qalib gələn Əliyev qitə üçüncüsü olub.

21:29

Azərbaycanın daha bir sərbəst güləşçisi İspaniyanın Santyaqo de Kompostela şəhərində keçirilən U-20 Avropa çempionatında medal qazanıb.

"Report"un məlumatına görə, 79 kq-da çıxış edən Sadiq Mustafazadə 3-cü yer uğrunda görüşdə türkiyəli Bekir Talib Öveclə üz-üzə gəlib.

Qarşılaşmadan 10:0 hesabı ilə qalib ayrılan Azərbaycan idmançısı bürünc mükafata sahib çıxıb.

21:05

Azərbaycanın sərbəst güləşçisi Cavidan Əhmədov İspaniyanın Santyaqo de Kompostela şəhərində keçirilən U-20 Avropa çempionatında bürünc medal görüşünə çıxıb.

"Report"un məlumatına görə, 70 kq-da yer alan idmançı avstriyalı Məhəmməd Bektemirovla qarşılaşıb.

Rəqibini 10:9 hesabı ilə məğlub edən Əhmədov fəxri kürsünün üçüncü pilləsinə qalxıb.

20:20

Azərbaycanın sərbəst güləşçisi Ruslan Abdullayev İspaniyanın Santyaqo de Kompostela şəhərində keçirilən U-20 Avropa çempionatında qızıl medal qazanıb.

"Report"un məlumatına görə, 57 kq-da çıxış edən idmançı finalda moldovalı Anton Vlasla qarşılaşıb. Rəqibinə 10:0 hesabı ilə qalib gələn idmançı qitə çempionu olub.

Qeyd edək ki, bu gün həmçinin 70 kq-da Cavidan Əhmədov, 79 kq-da Sadiq Mustafazadə və 97 kq-da Zəfər Əliyev bürünc medal uğrunda görüşə çıxacaqlar.