"Böyük Dəbilqə": Azərbaycanın daha dörd cüdoçusu mübarizəyə başlayır

Bu gün Azərbaycanın daha dörd cüdoçusu Qazaxıstanın paytaxtı Astanada keçirilən "Böyük Dəbilqə" turnirində mübarizəyə başlayır.

"Report"un məlumatına görə, son olaraq Elcan Hacıyev, Vüqar Talıbov (hər ikisi 90 kq), Uşanqi Kokauri və Camal Qamzatxanov (hər ikisi +100 kq) tatamiyə çıxacaq.

Qeyd edək ki, daha əvvəl Kamran Süleymanov (66 kq) bürünc medal qazanıb. Azərbaycan turnirdə 15 idmançı ilə təmsil olunur.