Azərbaycanda yeniyetmə şahmatçıların hazırlıq səviyyəsini yoxlamaq üçün sınaq testi keçirilib

Azərbaycanda yeniyetmə şahmatçıların hazırlıq səviyyəsini yoxlamaq üçün sınaq testi keçirilib.

"Report" Şahmat Federasiyasının mətbuat xidmətinə istinadən xəbər verir ki, məşqçilər Nicat Məmmədov və Ramil Alacovun hazırladığı sınaq dörd yaş kateqoriyasında təşkil olunub.

Əsas məqsəd şahmatçıların mənimsəmə qabiliyyətini öyrənərək nəticə barədə Azərbaycan Şahmat Federasiyasının müvafiq departamentinə, şəxsi məşqçilərə o cümlədən valideynlərə ətraflı məlumat verməkdi.

Qeyd edək ki, Azərbaycanın istedadlı yeniyetmə şahmatçıları hazırda Nicat Məmmədovun rəhbərliyi altında məşqlərdə iştirak edir.