Azərbaycan gimnastları Gimnaziadada gümüş medal qazanıblar

Azərbaycan gimnastları Bəhreynin paytaxtı Manamada keçirilən Gimnaziadada gümüş medal qazanıblar.

"Report" Azərbaycan Gimnastika Federasiyasının mətbuat xidmətinə istinadən xəbər verir ki, aerobika gimnastikası üzrə yarışda qrup komandamız (Leyla Əhmədova, Sara Əlixanlı, Fidan İbrahimova, Məryəm Topçubaşova və Evelina Kozlovskaya) fəxri kürsünün ikinci pilləsinə qalxıb.

Qeyd edək ki, ötən gün fərdi proqramda çıxış edən Məryəm Topçubaşova bürünc medala yiyələnmişdi.