Azərbaycan cüdoçuları Polşada təlim-məşq toplanışındadırlar

Azərbaycanın cüdo üzrə gənclərdən ibarət millisinin üzvləri Polşanın Poznan şəhərində keçirilən beynəlxalq təlim-məşq düşərgəsinə qatılıblar.

Azərbaycan Cüdo Federasiyasının mətbuatdan xidmətindən "Report"a verilən məlumata görə, hazırlıq prosesi bu gün başa çatacaq.

Toplanışa yığmanın baş məşqçisi Rüstəm Alimli və məşqçi Elxan Rəcəbli rəhbərlik edir. Bu, mayın 3-4-də Türkiyənin İstanbul şəhərində keçiriləcək gənclər arasında Avropa Kubokuna hazırlıq məqsədi daşıyır.