Azərbaycanın 36 cüdoçusu İspaniyada keçirilən Olimpiya Təlim Düşərgəsinə cəlb olunub

Azərbaycanın 36 cüdoçusu (28 kişi, 8 qadın) Avropa Cüdo Birliyinin təşkilatçılığı ilə İspaniyanın Benidorm şəhərində keçirilən Olimpiya Təlim Düşərgəsinə cəlb olunub.

Cüdo Federasiyasından "Report"a verilən məlumata görə, təmsilçilərimizə kişilərdən ibarət yığmanın baş məşqçisi Riçard Trautman, qadınlardan ibarət millinin baş məşqçisi Amina Abdellatif və gənc oğlanlardan ibarət yığmanın baş məşqçisi Rüstəm Alimli rəhbərlik edir.

Təlim düşərgəsi iyunun 13-20-si aralığında Macarıstanın paytaxtı Budapeştdə keçiriləcək böyüklər arasında dünya çempionatına, həmçinin qarşıdan gələn digər beynəlxalq yarışlara hazırlıq məqsədi daşıyır.

Qeyd edək ki, 20-dən çox ölkənin iştirak etdiyi beynəlxalq təlim-məşq toplanışı mayın 23-də başa çatacaq.