Azərbaycan Cüdo Federasiyasının yeni vitse-prezidenti açıqlanıb

Azərbaycan Cüdo Federasiyasının rəhbərliyində dəyişiklik baş verib.

"Report"un məlumatına görə, rəqəmsal inkişaf və nəqliyyat naziri Rəşad Nəbiyevin müavini Rövşən Rüstəmov qurumun yeni vitse-prezidenti təyin olunub. O, Sadıq Sadıqovu əvəzləyib.

Digər vitse-prezident olan cüdo üzrə olimpiya çempionu Elnur Məmmədli isə federasiyadakı işini davam etdirəcək.

İcraiyyə Komitəsi üzvlüyünə Ağayar Axundzadə, Raqif Abbasov, Asif Əsgərov, Nazim Hüseynov, Azər Əsgərov və Elxan Məmmədov seçiliblər.

Qeyd edək ki, Rəşad Nəbiyev federasiyanın yeni prezidenti seçilib.