Azərbaycan avarçəkənləri Avstriyanın paytaxtı Vyanada təşkil olunan ənənəvi beynəlxalq "Vyana Reqatası"nda 5 medal qazanıblar.
"Report" Azərbaycan Kanoe və Avarçəkmə Federasiyasının mətbuat xidmətinə istinadən xəbər verir ki, 120-ci dəfə təşkil olunan reqatada iştirak edən Azərbaycan avarçəkənləri 2 qızıl, 1 gümüş, 2 bürünc medal əldə ediblər.
Böyüklər arasında akademik avarçəkmə üzrə yığmamızın lideri Bəhmən Nəsiri 2000 metr məsafəyə yürüşdə A finalında qızıl medala sahib olub. Murad Sadıxov üçüncü yer tutub. Eyni məsafədə yüngül çəkidə mübarizə aparan Ziya Məmmədzadə A finalında finişi ikinci keçib.
Gənclər arasında Nurlan Paşayev 2000 metr məsafədə A finalında birinci olub. Yeniyetmələr arasında bir nəfərlik qayıqda 1500 metr məsafəyə yürüşdə Azər İlyasov A finalında bürünc medal qazanıb.
![](https://static.report.az/photo/8127b556-c115-3f16-956c-2be0008863e0_300.jpeg)
![](https://static.report.az/photo/6aee216a-f03b-325c-bfd0-e3b499d4d6b0_300.jpeg)
![](https://static.report.az/photo/673b72e8-1a3e-347c-920f-076fb4ff3247_300.jpeg)
![](https://static.report.az/photo/21b44435-95de-339e-a5d1-8d15c2b5a62a_300.jpeg)
![](https://static.report.az/photo/29d6c2a2-8b65-3e21-b03e-db1f8d35863b_300.jpeg)
![](https://static.report.az/photo/4cc51b2a-677d-34dc-b5b7-aebd24382079_300.jpeg)