ABŞ komandası Şumaxerin oğlu ilə əməkdaşlığı dayandırır

"Formula 1" üzrə dünya çempionatında çıxış edən ABŞ-ın "Haas" komandası Mik Şumaxerlə əməkdaşlığı dayandırır.

"Report" xəbər verir ki, tərəflər cari mövsümün sonunda müqaviləni pozmaqla bağlı razılığa gəliblər.

Almaniyalı pilot 2020-ci ilin dekabrında ABŞ təmsilçisi ilə müqavilə bağlamış, elə həmin ildə "Formula 2"də çempionluğu qazanmışdı.

Qeyd edək ki, Mik Şumaxer əfsanəvi pilot Mixael Şumaxerin oğludur.