Xudatyan: Ermənistan Türkiyə ilə enerji infrastrukturunun birləşdirilməsi istiqamətində addımlar atır

Ermənistan və Türkiyə iki ölkənin enerji sistemlərinin birləşdirilməsi üçün tələb olunan investisiya həcmini müəyyən etmək niyyətindədir.

"Report" erməni KİV-lərinə istinadən xəbər verir ki, bunu ərazi idarəetmə və infrastruktur naziri David Xudatyan hökumət iclasından sonra keçirilən brifinqdə bəyan edib.

O xatırladıb ki, bu məsələ martın 10-da Parisdə Nüvə Enerjisi Sammiti çərçivəsində Türkiyənin energetika naziri Alparslan Bayraktarla müzakirə edilib:

"Lazımi investisiyaların həcmi müəyyən olunması üçün tədqiqat aparmaq barədə qərar qəbul edilib. Biz bu işə yaxın zamanda başlamağa hazırıq və türkiyəli tərəfdaşların da oxşar yanaşma nümayiş etdirəcəyinə ümid edirik".