​Səudiyyə Ərəbistanı neftin qiymətini aşağı salıb

Bakı. 6 fevral. REPORT.AZ/ Səudiyyə Ərəbistanı Asiya bölgəsi ölkələri üçün mart fyuçersləri üzrə neftin qiymətini aşağı salıb.

"Report"un "Bloomberg"ə istinadən verdiyi xəbərə görə, Səudiyyə Ərəbistanının Dövlət Neft Hasilatı Şirkəti "Arab Light" markalı neftin satış qiymətini 0,9 dollar/barel ucuzlaşdırıb. Bununla da Krallıq "qara qızıl"ın bir barelini OPEC-in müəyyən etdiyi qiymətdən 2,30 dollar ucuz satacaq.

Səudiyyə Ərəbistanı daha çox Latın Amerkası, Afrika və Rusiya tədarükçüləri ilə Asiya bazarı uğrunda rəqabət aparır.

Beynəlxalq Energetika Agentliyi bildirib ki, 2014-cü ilin göstəricilərinə əsasən, Çin dünya üzrə ABŞ-dan sonra ən çox neft istehlak edən dövlətdir.