“Urals” markalı neft kəskin bahalaşıb

Rusiyanın “Urals” markalı nefti oktyabr ayında 12,5 faiz bahalaşaraq 81,49 ABŞ dollarından satılıb.

“Report” xəbər verir ki, bu məlumatı Rusiyanın Maliyyə Nazirliyi yayıb.

Bildirilib ki, bu məbləğ ötən ilin müvafiq dövrünə (40,53 dollar) nisbətən 2 dəfə çoxdur.

Qeyd olunur ki, bu ilin 10 ayı ərzində “Urals” markalı neftin orta qiyməti 67,51 dollar təşkil edib.