Rəcəb Tayyib Ərdoğan: “TANAP-la Türkiyəyə 18,5 milyard kubmetr qaz nəql edilib”

Bu günə qədər Trans-Anadolu Qaz Boru Kəməri (TANAP) ilə Türkiyəyə 18,5 milyard kubmetr təbii qaz nəql edilib.

“Report”un Ankara bürosunun xəbərinə görə, bunu Türkiyə Prezidenti Rəcəb Tayyib Ərdoğan Silivri Yeraltı Təbii Qaz Anbarı Təsisatının açılışında bildirib.

O qeyd edib ki, Rusiya Prezidenti Vladimir Putinlə çox əhəmiyyətli görüşləri olub, enerji sahəsində müvafiq addımlar atılıb və bundan sonra da atılacaq.

Bundan başqa, dövlət başçısının sözlərinə görə, ölkəsi “Türk axını” layihəsi ilə Avropanın "mavi yanacaq" təchizatında önəmli rol oynamaqla yanaşı, dünyanın öndə gedən enerji mənbələrindən birinə çevrilməkdədir.