“Lukoil” Xəzərdəki yataqla bağlı planlarını açıqlayıb

Rusiyanın “Lukoil” neft-qaz şirkəti Xəzər dənizində yerləşən Vladimir Filanovski yatağında 30 milyon ton neft hasilatı həddini keçib.

“Report”un şirkətə istinadən verdiyi məlumata görə, bu il layihə üzrə illik 6 milyon ton neft hasilat həcmini saxlamaq üçün 5 istismar quyusu (o cümlədən 4 hasilat və 1 suvurma quyusu) inşa edilib.

Bundan əlavə, şirkət Yuri Korçaqin adına yatağının keçirici blokunda yatağın işlənməsinin ikinci mərhələsini başa çatdırıb. Obyektdə 8 istismar quyusunun tikintisi yekunlaşıb.

Bundan başqa, “Lukoil” V.İ.Qrayfer adına üçüncü Xəzər yatağının işlənməsini davam edir. Həştərxan gəmiqayırma zavodlarında buzadavamlı stasionar platformanın və yaşayış modulu platformasının üst hissələrində tikinti-quraşdırma işləri aparılır.

2021-ci ildə obyektlərin yanalma divarına qaldırılması, çəkilməsii və daşınması üçün bir sıra əməliyyatlar həyata keçirilib. Buzadavamlı stasionar platformada neft platforması, yaşayış modulu platformasında isə helikopter meydançası quraşdırılıb.

2022-ci ilin ikinci rübündə Xəzər dənizində üzən krandan istifadə etmədən dayaq blokunun üst hissəsinin quraşdırılması əməliyyatını həyata keçirməyə imkan verən unikal üzmə üsulu ilə dəniz qurğularının quraşdırılması planlaşdırılır.