Təhsil Nazirliyi: Hər partada bir şagird oturacaq

“Adi məktəblərdə 26-36 kvadratlıq sinif otaqları var. Böyük kvadratlıq siniflər isə qruplara bölünəcək”.

“Report” xəbər verir ki, bunu Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu deyib.

O qeyd edib ki, şagird sayı sinif otağının həcmindən asılıdır: “Hər partada bir şagird əyləşəcək. 48 şagird heyəti olan sinifdə 24 nəfərə dərs keçiləcək. Bu da o deməkdir ki, hər partada bir şagird otura biləcək. Həmin qruplar üçün də xüsusi dərs cədvəli hazırlanacaq”.