Mikayıl Cabbarov vətəndaşları qəbul edəcək

Bakı. 27 iyul. REPORT.AZ/ Təhsil naziri Mikayıl Cabbarov Oğuz şəhərində vətəndaşları qəbul edəcək. "Report" Təhsil Nazirliyinin rəsmi saytına istinadən xəbər verir ki, qəbul iyulun 31-i saat 11:00-da Oğuz şəhərindəki Olimpiya İdman Kompleksində baş tutacaq.

Qəbulda Oğuz, Şəki, Qax, Zaqatala, Balakən və Qəbələ rayonlarının vətəndaşları iştirak edə bilərlər.

Qeyd edək ki, qəbula gəlmək istəyən vətəndaşlar 27, 28, 29 və 30 iyul Təhsil Nazirliyinin Telefon Məlumat Mərkəzinin 146 nömrəli telefonuna ("Qaynar xətt" xidməti) və ya http://edu.gov.az/az/contacts/request elektron poçt ünvanına müraciət edərək qeydiyyatdan keçə bilərlər.