İş yerini qarşılıqlı dəyişmək istəyən müəllimlərin sayı məlum olub

Dövlət ümumi təhsil müəssisələrində çalışan müəllimlərin iş yerinin qarşılıqlı dəyişdirilməsi üzrə artıq 4000-dən çox müraciət daxil olub.

"Report" xəbər verir ki, bunu İnsan Resursları Mərkəzinin rəhbəri Nurlan İsmayılbəyli deyib.

Onun sözlərinə görə, 73 elan artıq təqdim olunub və namizədlər yerdəyişmə edə bilərlər: “Emal prosesi hələ də davam edir. Tədris ilinin sonuna qədər layihənin davam etməsi nəzərdə tutulur. Yay mövsümündə müəllimlərin işə qəbulu imtahanı və yerdəyişmə prosesi baş tutacaq. Növbəti tədris ilinin əvvəlindən etibarən qarşılıqlı yerdəyişmə layihəsi yenidən müəllimlərin ixtiyarına veriləcək”.