DİM Naxçıvanda I qrup üzrə qəbul imtahanı keçirib

Bu gün Dövlət İmtahan Mərkəzi (DİM) I ixtisas qrupu üzrə ali təhsil müəssisələrinə qəbul imtahanı keçirib.

DİM Naxçıvan Regional Bölməsinin müdiri Sabir Məmmədovun "Report"un yerli bürosuna verdiyi məlumata görə, imtahanlar saat 10:00-da başlanıb.

Naxçıvan şəhərindəki 5 və 14 nömrəli tam orta məktəblərdə təşkil olunan imtahanlar 40 zalda keçiriləcək.

İmtahanların keçirilməsinə 6 imtahan rəhbəri və 48 nəzarətçi cəlb olunub, 496 abituriyent iştirak edib.