Cəzaçəkmə müəssisələrində təhsil alan şagirdlərdən 16-sı buraxılış imtahanlarında yüksək nəticə göstərib

Bakı. 9 iyun. REPORT.AZ/ Tələbə Qəbulu üzrə Dövlət Komissiyası (TQDK) iyunun 2-də Ədliyyə Nazirliyi Penitensiar Xidmətinin tabeliyindəki 1, 2, 7, 10 və 11 saylı cəzaçəkmə müəssisələrində və Tərbiyə müəssisəsində fəaliyyət göstərən xüsusi ümumtəhsil məktəblərində keçirdiyi buraxılış imtahanlarının nəticələrini açıqlayıb. 

TQDK-dan "Report"a bildirilib ki, həmin müəssisələrdə fəaliyyət göstərən 2, 20, 45, 82, 103 və 115 saylı xüsusi ümumtəhsil məktəblərində təhsil alan 9 və 12-ci sinif şagirdləri (156 nəfər) ümumi qaydada imtahan veriblər. Həmin şagirdlərdən 16 nəfəri buraxılış imtahanında yaxşı nəticə əldə edərək bir və ya bir neçə fəndən "4" və "5" qiyməti alıblar.