Belarus Azərbaycanla elmi-texniki əməkdaşlığı inkişaf etdirməkdə maraqlıdır

Belarus Azərbaycanla elmi-texniki əməkdaşlığı inkişaf etdirməkdə maraqlıdır.

"Report" BELTA-ya istinadən xəbər verir ki, bunu Belarusun Elm və Texnologiya üzrə Dövlət Komitəsinin sədr müavini Tatyana Stolyarova Azərbaycan ilə Belarus arasında ticarət-iqtisadi əməkdaşlıq üzrə birgə Hökumətlərarası Komissiyanın 14-cü iclasında deyib.

“Ölkələrimiz arasında elm və texnologiya sahəsində əlaqələr konstruktiv xarakter daşıyır, daim inkişaf edir. Bu əlaqələr böyük potensiala malikdir. Biz əməkdaşlığın perspektivli istiqamətləri üzrə elmi təşkilatlarımız arasında elmi-texniki sahədə qarşılıqlı fəaliyyətin daha da inkişaf etdirilməsində və genişləndirilməsində maraqlı olduğumuzu bildiririk”, - o vurğulayıb.