ABŞ-də keçirilən beynəlxalq olimpiadada azərbaycanlı məktəblilər qalib olublar - YENİLƏNİB

"Global Olympiad Center"in təşkilatçılığı ilə azərbaycanlı məktəblilər ABŞ-nin Hyuston şəhərində keçirilən Fizika-Astronomiya və Təbiət Elmləri üzrə Beynəlxalq Kopernik Olimpiadasında uğur əldə ediblər.

"Report" xəbər verir ki, olimpiadanın 5-10 yanvar tarixlərində keçirilən final mərhələsi Rice Universitetində təşkil olunub. Azərbaycanın 18 şagirdi də daxil olmaqla dünyanın müxtəlif ölkələrindən təxminən 300 şagird iştirak edib.

Azərbaycanlı şagirdlərin 4-ü Fizika və Astronomiya, 14-ü isə Təbiət Elmləri üzrə mübarizə aparıb.

Olimpiada çərçivəsində şagirdlər Rice Universiteti ilə tanış olublar, Hyustonda yerləşən Natural Sciences Muzeyinə baş çəkiblər. Həmçinin NASA-da təşkil olunan xüsusi vorkşopda iştirak ediblər, burada kiçik raketlər hazırlayıb və ulduzları müşahidə ediblər. NASA-da olan azərbaycanlı şagirdlər beynəlxalq səviyyəli tanınmış alimlərlə tanış olub və elmi müzakirələr aparıblar.

Həmin şəxslərin siyahısını təqdim edirik:

Qızıl medallar:

Ziya Novruzsoy (Yaş kateqoriyası üzrə dünya çempionu)

Aylin Aşurlu (Yaş kateqoriyası üzrə dünya çempionu)

Mətanət Mustafayeva (Dünya üzrə ikinci yer)

Esma Nadirzadə (Dünya üzrə üçüncü yer)

Gümüş medallar:

Atilla Musayev

Fatimə Əzimova

Yusif Yusifli

Camila Fərəcova

Bürünc medallar

Farrux Rəhimli

Məhəmmədhəsən Əzimov

Zəhra Əzimova

Mikayil Əhmadbayli

Üzeyir Israfilzade

Rüstam Yaradanquliyev

Fəxri Fərman

Farrux Məhərrəmli

Xurşudbanu Abbaslı

Xədicə Qəhrəmanova

İştirak sertifikatı

İsa İsmayilzadə

Qeyd edilib ki, azərbaycanlı şagirdlərdən dörd nəfər dünya sıralamasında ən yüksək yerləri qazanıb. Ziya Novruzsoy va Aylin Aşurlu dünya çempionu, Mətanət Mustafayeva dünya üzrə ikinci, Əsma Nadirzadə isə dünya üzrə üçüncü yerə layiq görülüblər. Onlar 13 yanvar tarixində Bakıya dönəcəklər.

Azərbaycanlı 5-ci sinif şagirdi Ziya Novruzsoy ABŞ-nin Texas ştatında Rays Universitetində keçirilən Beynəlxalq Kopernik Olimpiadasında təbiət elmləri üzrə dünya birincisi olub.

"Report" xəbər verir ki, olimpiadada Azərbaycanla yanaşı ABŞ, Birləşmiş Krallıq, Braziliya, Pakistan və İndoneziya kimi 20-ə yaxın ölkə təmsil olunub.

Həmçinin olimpiada iştirakçıları NASA-nın qabaqcıl tədqiqat və layihələri ilə yaxından tanış olublar.