DİM: Abituriyentlər 7-20 sentyabrda qəbul olunduğu təhsil müəssisəsində qeydiyyatdan keçməlidir

DİM: Abituriyentlər 7-20 sentyabrda qəbul olunduğu təhsil müəssisəsində qeydiyyatdan keçməlidir Ali təhsil müəssisələrinə qəbul olunan abituriyentlər sentyabrın 7-dən 20-dək qəbul olunduğu təhsil müəssisəsi üzrə elektron qaydada qeydiyyatdan keçməlidirlər. Bunun üçün abituriyentlər onlayn qaydada portal.edu.az platformasında qeydiyyatdan keçməli və
Elm və təhsil
2611
5 Sentyabr , 2021 17:58
DİM: Abituriyentlər 7-20 sentyabrda qəbul olunduğu təhsil müəssisəsində qeydiyyatdan keçməlidir

Ali təhsil müəssisələrinə qəbul olunan abituriyentlər sentyabrın 7-dən 20-dək qəbul olunduğu təhsil müəssisəsi üzrə elektron qaydada qeydiyyatdan keçməlidirlər.

Bu barədə "Report"a Dövlət İmtahan Mərkəzindən bildirilib.

Qeyd edilir ki, bunun üçün abituriyentlər onlayn qaydada portal.edu.az platformasında qeydiyyatdan keçməli və yaradılmış kabinetə daxil olduqdan sonra təqdim edilən xidmətlər sırasından “Ali və orta ixtisas təhsil müəssisələrinə təhsilalan qeydiyyatı” xidmətini seçməlidirlər: "Abituriyentlər qeydiyyat zamanı tələb olunan sənədlər və digər məsələlərlə bağlı portal.edu.az platformasından və ya Təhsil Nazirliyindən məlumat ala bilərlər".

Abituriyentin bu müddətdə qeydiyyatdan keçməməsi onun yerləşdirildiyi ixtisas üzrə təhsil almaqdan imtina etməsi kimi qiymətləndirilir və onun qəbul əmri təhsil müəssisəsinə göndərilmir. Bu abituriyentlər boş qalan yerlər üzrə keçirilən müsabiqəyə buraxılmırlar.

Son xəbərlər

Orphus sistemi