Yuxarı

ETSN rəsmisi: "Bayılda sürüşmə baş verən küçədə gərginlik qalmaqdadır"

ETSN rəsmisi: "Bayılda sürüşmə baş verən küçədə gərginlik qalmaqdadır"
© Report/Firi Salim
Dinlə

Bakı. 17 oktyabr. REPORT.AZ/ "Bayılın "Amfiteatr" adlandırılan ərazisində də sürüşmə olub. Ərazi riskli ərazi kimi konturlaşdırılıb. Orada relyefin mailliyi, təxminən, 40 dərəcəyə çatır. Həmin ərazidə - Buxta küçəsində yamac terrasvari kəsilərək evlər tikilib. Xatırlayırsınızsa, bu ilin yaz aylarında oradakı tikilən evlərin 43-nə təhlükə yaranmışdı. Bu gün də həmin evlərdən biri uçub. Orada iki evə daxil oldum, deformasiyalar müşahidə olunur".

"Report" xəbər verir ki, bunu keçirdiyi brifinqdə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

Ə.Qaralov bildirib ki, həmin evlərin sakinləri köçürülmə ilə bağlı qeydiyyata götürülüb: "Bu, bir neçə ay öncə olub. Orada küçə boyu gərginlik qalmaqdadır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi