Allahşükür Paşazadə: "Türkdilli xalqların mənəvi birliyini yaratmaq bizim borcumuz idi"

Allahşükür Paşazadə: "Türkdilli xalqların mənəvi birliyini yaratmaq bizim borcumuz idi" "Türk Dövlətləri Təşkilatının dövlət başçılarının birliyi yarandıqdan sonra belə bir birliyin yaranmasına xüsusən mənəvi cəhətdən böyük ehtiyac duyulurdu. Çünki bu gün qlobollaşma dövründə dünyaya baxdıqda dini, dili, tarixi bir olan türkdilli ölkələrin,
Din
622
16 Aprel , 2022 03:39
Allahşükür Paşazadə: Türkdilli xalqların mənəvi birliyini yaratmaq bizim borcumuz idi
Allahşükür Paşazadə

"Türk Dövlətləri Təşkilatının dövlət başçılarının birliyi yarandıqdan sonra mənəvi birliyə böyük ehtiyac duyulurdu. Çünki qlobollaşma dövründə dini, dili, tarixi bir olan türkdilli ölkələrin, xalqların birliyini yaratmaq bizim borcumuz idi"

Bu fikirləri "Report"un yerli bürosuna açıqlamasında İstanbulda keçirilən Türk Dövlətləri Təşkilatına üzv ölkələrin Dini Liderlər Şurasında iştirak edən Qafqaz Müsəlmanları İdarəsinin sədri, Şeyxülislam Allahşükür Paşazadə bildirib.

O qeyd edib ki, bu istiqamətdə artıq uzun zamandır işlər gedirdi:

"Sevindirici haldır ki, türkdilli dövlətlərin və onların liderlərinin birliyinin yaranması, bizim də mənəvi birliyimizin formalaşmasına təkan verib. Əsas məsələlərdən biri isə budur ki, dövlət başçıları bir çox sahələrdə qərarlar qəbul etdikdə, biz də öz sahəmiz üzrə köməkliklər göstərək və onların fəaliyyətini təbliğ edək. Bu, olduqca vacib amildir".

A.Paşazadə türkdilli dövlətlərin ortaq mədəni-mənəvi irsindən danışıb:

"Şeyx Nizamini həm Azərbaycanda, həm də Mərkəzi Asiya ölkələrində tədqiq edirlər. Biz də Manası, Dədə Qorqudu, bundan başqa, elm adamlarımızı, əlyazmalarımızı bir-birimizlə paylaşmalı və əməkdaşlıq etməliyik. Hazırda bu məsələlərdə bizim birliyimizə ehtiyac var".

Şeyxülislam Şuşa Bəyannaməsinin bu birliyi ərsəyə gətirmək üçün əvəzsiz rolu olduğunu qeyd edib:

"Xüsusən onu qeyd edə bilərəm ki, bu birlik məfhumu Şuşa Bəyannaməsindən sonra daha da aktual oldu. Çünki Şuşa Bəyannaməsi mahiyyət etibarilə TDT-ın bünövrəsidir. Bu gün dünyada baş verən hadisə və proseslər də bizi TDT çərçivəsində birlikdə olmağa və hərəkət etməyə vadar edir".

Son xəbərlər

Orphus sistemi