​Yəməndə atışma zamanı 6 nəfər ölüb

Bakı. 1 yanvar. REPORT.AZ/ Yəmənin Ədən şəhərində hökumətyönlü qüvvələr ilə "Əl-Qaidə" terrorçuları arasında baş verən atışma zamanı 6 nəfər ölüb.

"Report" BBC-yə istinadən xəbər verir ki, ölənlər arasında üç hərbçi və "Əl-Qaidə"yə aid olmaqda şübhəli bilinən üç terrorçu var.

Hökumətyönlü qüvvələr Əbyan əyaləti sərhədi yaxınlığındakı buraxılış məntəqəsində terrorçuların olduğu və silah daşıyan avtomobili yoxlamaq üçün saxlayıblar. Avtomobil Ədən istiqamətində hərəkətdə olub. Yoxlama zamanı atışma başlayıb.