Yaponiya hökumətinin reytinqi qalmaqal fonunda geriləyib

Baş nazir Fumio Kişidanın rəhbərlik etdiyi Yaponiya hökumətinin reytinqi hakim Liberal Demokratik Partiyasında (LDP) siyasi ianələrin toplanması zamanı maliyyə hesabatlarının pozulması ilə bağlı qalmaqal fonunda rekord həddə - 17,1 faizə düşüb.

“Report” xəbər verir ki, bunu “Jiji” agentliyinin keçirdiyi sorğunun nəticələri sübut edir.

Bildirilib ki, bu LDP üçün 2012-ci ildən bəri ən aşağı göstəricidir.

Sorğuda iştirak edənlərin 58,2 faizi hökuməti dəstəkləməyib. Hakim LDP-ni 18,3 faiz respondent dəstəkləyib. Eyni zamanda, Konstitusiya Demokratik Partiyası ən populyar müxalifət partiyası olub.

Qeyd edilib ki, sorğu dekabrın 8-dən 11-dək aparılıb. Qalmaqalın yeni təfərrüatları dekabrın 12-də ortaya çıxıb.