Yaponiya G7 sammitinin sonunda nüvə tərksilahına dair sənəd qəbul etmək istəyir

Baş nazir Fumio Kisidanın başçılıq etdiyi Yaponiya hökuməti qarşıdan gələn G7 sammitindən sonra nüvə tərksilahının və yayılmamasının vacibliyinə dair sənədin qəbul edilməsinin tərəfdarıdır.

"Report" NHK telekanalına istinadən xəbər verir ki, müvafiq saziş yekun kommünikedən ayrıca sənəd olacaq. Həmçinin bildirilir ki, Tokio hazırda bu təşəbbüsü digər G7 ölkələrinin nümayəndələri ilə işçi səviyyəsində müzakirə edir.

NHK vurğulayır ki, bu yolla Yaponiya nüvə silahının döyüş istifadəsindən təsirlənən dünyada yeganə ölkə kimi beynəlxalq ictimaiyyətə onun tərksilahı və yayılmaması üçün səylərin gücləndirilməsinin zəruriliyi barədə siqnal göndərmək istəyir.