Vuçiç: Rusiya-Serbiya qaz müqaviləsi daha üç ay uzadılıb

Rusiya qazının Serbiyaya tədarükünə dair müqavilə üç ay müddətinə uzadılıb.

"Report" Serbiya KİV-lərinə istinadən xəbər verir ki, bunu Prezident Aleksandr Vuçiç bildirib.

"Biz əlverişli şərtlərlə müqavilənin üç ay müddətinə uzadılmasına nail olduq. Bu gün qazın qiyməti təxminən 645 dollardır. Bir az daha çox verə bilərdik, hazırda isə təxminən 320 dollar ödəyirik", - o deyib.

Onun sözlərinə görə, Rusiya qazının Serbiyaya tədarükü məsələsi Rusiya Prezidenti Vladimir Putinlə telefon danışığı zamanı da müzakirə edilib. Tibb, əczaçılıq sahəsində əməkdaşlığı, eləcə də Rusiya şirkətlərinin Serbiyadakı layihələrdə iştirakı məsələsi müzakirə mövzusu olub.