Ukraynada koronavirusdan ən yüksək gündəlik ölüm qeydə alınıb

Ukraynada ötən 24 saat ərzində 276 nəfər koronavirus xəstəsi dünyasını dəyişib ki, bu da pandemiya dövründə ən yüksək gündəlik ölüm sayıdır.

“Report” “İnterfax-Ukraine”ə istinadən xəbər verir ki, ötən gün ölkədə 12 585 yoluxma halı qeydə alınıb.

Bütövlükdə indiyədək Ukraynada koronavirusa 845 343 nəfər yoluxub ki, bunlardan 14 204 nəfər ölüb, 451 118 nəfər də sağalıb.