Tramp Energetika Nazirliyinin büdcəsini təxminən 5 milyard dollar azaltmağı təklif edir

ABŞ Prezidenti Donald Tramp 2026-cı maliyyə ili üçün büdcə layihəsi çərçivəsində Energetika Nazirliyinin büdcəsini 9,4 % azaltmağı təklif edir.

“Report” “İnterfaks”a istinadən xəbər verir ki, bu barədə Ağ evin mayın 2-də dərc etdiyi büdcə sorğusunda deyilir.

Sənədə əsasən, söhbət maliyyələşdirmənin əvvəlki maliyyə ili ilə müqayisədə 4,7 milyard dollar azalmasından gedir.

Amerika mətbuatı qeyd edir ki, Tramp ilk növbədə bərpa olunan enerji mənbələri və iqlim dəyişikliyi ilə bağlı proqramların maliyyəsini azaltmağı təklif edir.

Bundan sonra büdcə tələbi ABŞ Konqresi tərəfindən nəzərdən keçiriləcək.