Bakı. 18 sentyabr. REPORT.AZ/ "Cəbhat ən-Nüsra" və "Cund əl-Əksa" terror qruplaşmaları Suriyanın şimal-qərbində yerləşən Əl-Fua və Kefraya kəndlərini hücum ilə ələ keçirməyə cəhd göstərirlər.
"Report" xəbər verir ki, terrorçular cümə günü sözügedən yaşayış məntəqələrinə 250 mərmi atıblar.
Quldur dəstələri Əl-Fua və Kefraya kəndlərini iki ildən artıqdır ki, mühasirədə saxlayırlar. Yerli müdafiə qüvvələri havadan onlara edilən yardım sayəsində uğurla müdafiə olunurlar. Onlara vertolyotlar vasitəsi ilə ərzaq və döyüş sursatları atılır.