Sudanda hava hücumu nəticəsində 20-dən çox adam ölüb

Sudan ordusunun Omdurman şəhərinə hava zərbəsi endirməsi 22 nəfərin ölümü ilə nəticələnib.

“Report” xəbər verir ki, bu barədə “Reuters” agentliyi Sudanın Səhiyyə Nazirliyinə istinadən məlumat yayıb.

Nazirliyin bildirdiyinə görə, daha onlarla insan yaralanıb.

Agentlik qeyd edib ki, son günlər döyüşlər bu şəhərdə cəmləşib, çünki onun qərb hissəsi çevik reaksiya qüvvələrini onların Darfurdakı bazası ilə birləşdirən əsas yoldur.

İyulun 4-də çevik reaksiya qüvvələrinin bir dəstəsi bildirib ki, onlar həm ölkənin paytaxtını, həm də ona bitişik Omdurman və Bahari şəhərlərini özündə birləşdirən “Xartum ştatının ərazisinin təxminən 90 %-nə nəzarət edirlər”.