Şimali İraqda bir türk hərbçisi öldürüldü

Bakı. 26 mart. REPORT.AZ/ Şimali İraqda terrorçu İŞİD qruplaşması ilə kürd hərbi birləşmələri (peşmerge) arasında gedən döyüş zamanı İŞİD tərəfindən atılan bir mərmi türk hərbçilərinin yerləşdiyi Gedu rayonuna düşüb.

"Report" "Anadolu" agentliyinə istinadən xəbər verir ki, nəticədə bir türk hərbçisi həlak olub, bir nəfər yaralanıb.

Terrorçuların olduğu rayona cavab atəşi açılıb.