Sergey Məlikov: Dağıstanda törədilən terror aktları vaxt və məqsədlər üzrə əlaqələndirilib

Dərbənd və Mahaçqalada törədilən terror aktları vaxt və məqsədlər üzrə əlaqələndirilib.

“Report” TASS-a istinadən xəbər verir ki, bu barədə jurnalistlərə açıqlamasında Dağıstanın rəhbəri Sergey Məlikov məlumat verib.

“Bütün bunlar məqsəd, vəzifə və ən əsası, vaxt baxımından uyğunlaşdırılıb. Görünür, onların eyni vaxtda dörd terror aktı törətməklə, hüquq-mühafizə və təhlükəsizlik qüvvələrinin fəaliyyətinə xaos yaratmaq, bundan istifadə edərək məsuliyyətdən və saxlanılma cəhdlərindən yayınmaq üçün birbaşa planları olub”, - o bildirib.