Rusiyanın Xarkov bölgəsinə hücumu zamanı üç nəfər həlak olub

Rusiyanın Ukraynanın Xarkov vilayətinə növbəti hücumu zamanı döyüş zonasından digər sakinlərlə birlikdə təxliyə olunmağa çalışan üç nəfər həlak olub.

"Report" xəbər verir ki, bu barədə Ukrayna Silahlı Qüvvələrinin Desant-Hücum Qoşunlarının "Telegram" kanalında bildirilib.

"Dron zərbəsi Xarkov vilayətinin Zaqrızovo və Boquslavka yaşayış məntəqələri arasında motoblokda hərəkət edən mülki şəxslərə dəyib. Nəticədə üç mülki şəxs həyatını itirib", – məlumatda qeyd olunur.

Bildirilib ki, zərbə endirilən ərazidə hərbi hədəflər və ya ikiqat təyinatlı infrastruktur olmayıb.