Rubio: Tramp, Putin və Zelenskinin üçtərəfli görüşündən danışmaq tezdir

ABŞ dövlət katibi Marko Rubio Amerika lideri Donald Tramp, Rusiya Prezidenti Vladimir Putin və Ukrayna Prezidenti Volodimir Zelenskinin iştirakı ilə üçtərəfli görüşün təşkilindən danışmağı vaxtından əvvəl hesab edir.

“Report” xəbər verir ki, bunu Amerikanın baş diplomatı CNN-in efirində söyləyib.

“Mən düşünürəm ki, bu barədə danışmaq hələ tezdir. <...> Rusiya qarşılıqlı əməkdaşlığa hazırdır, lakin biz bütün aspektləri təhlil etməliyik”, – o bildirib.

Rubio həmçinin qeyd edib ki, bu istiqamətdə iş “kameralar qarşısında və ictimaiyyətə açıq şəkildə” aparılmayacaq.