Qəzza zolağında İsrailin daha iki hərbçisi ölüb

Qəzza zolağının şimalındakı döyüşlərdə İsrail Müdafiə Ordusunun daha iki hərbçisi ölüb.

“Report” xəbər verir ki, məlumatı İsrail Müdafiə Ordusunun mətbuat xidməti yayıb.

Məlumata görə, döyüşlərdə ölənlər ehtiyatda olan gizirlər - 32 yaşlı Zaxariya Pesax Xaber, o biri isə 34 yaşlı Yair Katsdır.

Bildirilib ki, bununla da oktyabrın 31-dən yanvarın 17-dək Qəzza zolağında döyüşlərdə ölən İsrail hərbçilərinin sayı 192-yə yüksəlib. Oktyabrın 7-dən - HƏMAS İsrailə hücum edəndən indiyədək ölən israilli hərbçilərin sayı isə 526-ya çatıb.