Peskov: ABŞ-nin İranın nüvə proqramına vurduğu zərərin miqyasını müəyyən etmək çətindir

ABŞ-nin İranın nüvə proqramına nə dərəcədə ciddi zərər vurduğunu anlamaq mümkün deyil.

"Report" yerli KİV-lərə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

"Əlbəttə, müvafiq kanallar vasitəsilə müəyyən məlumatlar daxil olur, lakin hələ çox az vaxt keçib. Şübhəsiz ki, vəziyyəti yerində təhlil etmək lazımdır ki, nə qədər ciddi zərər vurulduğunu başa düşək", - o jurnalistlərə bildirib.

O, həmçinin vurğulayıb ki, əgər İran və İsrail arasında atəşkəsə nail olunubsa, Rusiya bunu alqışlayır: "Əgər həqiqətən atəşkəsə nail olunubsa, bunu yalnız alqışlamaq olar".

D.Peskov əlavə edib ki, Rusiyada "bunun davamlı atəşkəs olacağına" ümid edirlər.