Bakı. 19 yanvar. REPORT.AZ/ Peruda sərnişin avtobusu dərəyə düşüb, nəticədə 16 nəfər ölüb, 10 nəfər xəsarət alıb.
"Report" RIA "Novosti" agentliyinə istinadən xəbər verir ki, hadisə ölkənin mərkəzində yerləşən Hunin rayonunda baş verib. Avtobus qəza nəticəsində 35 metr dərinliyi olan dərəyə yuvarlanıb.
Yaralılar qəza şahidləri tərəfindən xəstəxanalara çatdırılıb. Hadisə yerində cəsədlərin axtarışı davam etdirilir.
İlkin məlumata görə, yol nəqliyyat hadisəsi sürücünün idarəetməni itirməsi səbəbindən baş verib.