Bakı. 21 yanvar. REPORT.AZ/ ABŞ prezidenti Barak Obama Konqresə illik müraciəti zamanı "İraq-Şam İslam Dövləti" (İŞİD) terror qruplaşmasına qarşı hərbi güc tətbiq etmək barədə parlamentarilərdən icazə almaq planlarının olduğunu bildirib.
"Biz terrorçuların təhdid etdiyi bütün insanlarla həmrəyik: Pakistandakı məktəbdən Parisin küçələrinədək", — deyə prezident əlavə edib.
"Report" xəbər verir ki, o, Əfqanıstanda terrorçulara qarşı mübarizədə bir sıra ölkələrin birgə səy göstərdiklərini qeyd edib.
Prezident eyni üsulla, müxtəlif müttəfiqlərin köməkliyi ilə İŞİD-in öhdəsindən gəlməyə çağırıb.