Misirdə xəstəxanada yanğın olub, ölən və yaralananlar var

Misirin paytaxtı Qahirənin əl-Matariya rayonunda yerləşən xəstəxanada baş verən yanğın zamanı 3 nəfər ölüb, 30-dan çox insan yaralanıb.

“Report” xarici KİV-ə istinadən xəbər verir ki, bu barədə Misirin Səhiyyə Nazirliyinin sözçüsü Husam Abdel Kaffar bildirib.

Onun sözlərinə görə, 32 nəfər yanıq, sınıq xəsarətləri və tüstüdən zəhərlənmə diaqnozları ilə xəstəxanalara yerləşdirilib.

Yaralıların daşınmasına 10-dan çox təcili tibbi yardım maşını cəlb olunub.

Qahirə Prokurorluğu hadisə ilə bağlı təhqiqata başlayıb, məhkəmə-tibb ekspertləri yanğının səbəbini araşdırır. Xəstəxana daxilində təhlükəsizlik sistemləri sınaqdan keçirilir.