Maduro: Venesuelada namizədlər yeni dövlət çevrilişinə hazırlaşırlar

“Venesuela parlamentində ifrat sağçı müxalifətdən olan namizədlər yeni dövlət çevrilişinə hazırlaşırlar”.

“Report” xəbər verir ki, bu barədə ölkə prezidenti Nikolas Maduro bildirib.

Monaqas ştatında tərəfdarları ilə söhbəti zamanı Maduro bildirib ki, ölkə hakimiyyəti və müxalifət sülh naminə tarixi razılaşma əldə edə bilib və bu razılaşmanı demək olar ki, bütün müxalifət liderləri imzalayıblar.

“Oliqarxiyanın iki kuklası imza atmadı. Sizcə, niyə onlar seçki komissiyasının qərarlarına və nəticələrə hörmətlə yanaşmağa dair müqavilə imzalamadılar? Çünki onlar saxtakarlıq iddiasında olmaq niyyətindədirlər. Çünki onlar zorakılıq və dövlət çevrilişi törətmək niyyətindədirlər”, - Maduro bildirib.