Londonda silahlı insidentdə bir nəfər həlak olub, iki nəfər xəsarət alıb

Londonda baş vermiş silahlı insident nəticəsində təxminən 40 yaşlı qadın həlak olub, iki kişi yaralanıb.

“Report” xəbər verir ki, bu barədə Skotland-Yardın bəyanatında bildirilib.

Məlumata əsasən, hadisə şənbə günü axşam İngiltərə paytaxtının şimal-qərbində yerləşən Brent rayonunda baş verib.

Yaralılardan birinin vəziyyətinin kritik olduğu qeyd edilib.

Faktla bağlı araşdırma aparılır, cinayətkarın axtarışları davam edir.