Litvada istehsalatda ölümlə nəticələnən bədbəxt hadisələrin sayı artıb

Litvada istehsalatda ölümlə nəticələnən bədbəxt hadisələrin sayı artıb.

“Report” Litva mətbuatına istinadən xəbər verir ki, bu barədə Dövlət Əmək Müfəttişliyi məlumat yayıb.

İdarə bildirib ki, bu ilin əvvəlindən respublikada artıq 8 belə hadisə baş verib. Üstəlik, təkcə bu ilin may ayında üç fakt qeydə alınıb.

Bundan başqa, cari ilin 6 ayı ərzində işçilərin ağır xəsarət almasına səbəb olan 54 bədbəxt hadisə qeydə alınıb.