Kubanın əsas istilik elektrik stansiyası nasazlıqdan sonra fəaliyyətini bərpa edib

Kubanın üçüncü gündür ki, nasazlığı səbəbindən enerji böhranı yaşadığı "Antonio Guiteras" istilik elektrik stansiyası fəaliyyətini bərpa edib.

"Report" xəbər verir ki, bu barədə ölkənin Energetika və Mədən Sənayesi Nazirliyi teleqram kanalında məlumat yayıb.

Məlumatda deyilir ki, ölkə ərazisinin elektrik enerjisi xidmətləri ilə əhatə olunması gün ərzində İES-in istehsal imkanından asılıdır.

Xatırladaq ki, oktyabrın 18-də istilik elektrik stansiyasının fəaliyyətini gözlənilmədən dayandırmasından sonra bütün Kubada elektrik enerjisinin verilişi tamamilə kəsilmişdi.